Mushaf, səhifə 451
-
فَكَذَّبُوهُ فَإِنَّهُمْ لَمُحْضَرُونَ
Onlar onu yalançı saydılar. Ona görə də hamısı (Cəhənnəmə) gətiriləcəkdir.
37:127 -
إِلَّا عِبَادَ اللَّهِ الْمُخْلَصِينَ
Yalnız Allahın seçilmiş (səmimi) qullarından başqa.
37:128 -
وَتَرَكْنَا عَلَيْهِ فِي الْآخِرِينَ
Sonradan gələnlər arasında ona (gözəl xatirə) qoyduq.
37:129 -
سَلَامٌ عَلَىٰ إِلْ يَاسِينَ
İlyasinə salam olsun!
37:130 -
إِنَّا كَذَٰلِكَ نَجْزِي الْمُحْسِنِينَ
Həqiqətən, Biz yaxşı iş görənləri belə mükafatlandırırıq.
37:131 -
إِنَّهُ مِنْ عِبَادِنَا الْمُؤْمِنِينَ
Həqiqətən, o Bizim mömin qullarımızdandır.
37:132 -
وَإِنَّ لُوطًا لَمِنَ الْمُرْسَلِينَ
Şübhəsiz ki, Lut da elçilərdəndir.
37:133 -
إِذْ نَجَّيْنَاهُ وَأَهْلَهُ أَجْمَعِينَ
Bir zaman Biz onu və onun bütün ailəsini xilas etmişdik.
37:134 -
إِلَّا عَجُوزًا فِي الْغَابِرِينَ
Yalnız geridə qalanların içində olan yaşlı bir qadından başqa.
37:135 -
ثُمَّ دَمَّرْنَا الْآخَرِينَ
Sonra da o birilərini yerli-dibli yox etdik.
37:136 -
وَإِنَّكُمْ لَتَمُرُّونَ عَلَيْهِمْ مُصْبِحِينَ
Siz həm səhər çağı onların yanından keçirsiniz,
37:137 -
وَبِاللَّيْلِ ۗ أَفَلَا تَعْقِلُونَ
həm də axşam çağı. Məgər anlamırsınız?
37:138 -
وَإِنَّ يُونُسَ لَمِنَ الْمُرْسَلِينَ
Yunus da, həqiqətən, elçilərdəndir.
37:139 -
إِذْ أَبَقَ إِلَى الْفُلْكِ الْمَشْحُونِ
Bir zaman o, yüklü bir gəmiyə qaçmışdı.
37:140 -
فَسَاهَمَ فَكَانَ مِنَ الْمُدْحَضِينَ
Başqaları ilə birlikdə püşk atmış və uduzanlardan olmuşdu.
37:141 -
فَالْتَقَمَهُ الْحُوتُ وَهُوَ مُلِيمٌ
O, qınanmağa layiq olduqda balıq onu udmuşdu.
37:142 -
فَلَوْلَا أَنَّهُ كَانَ مِنَ الْمُسَبِّحِينَ
Əgər o, Allaha tərif deyənlərdən olmasaydı,
37:143 -
لَلَبِثَ فِي بَطْنِهِ إِلَىٰ يَوْمِ يُبْعَثُونَ
balığın qarnında Qiyamət gününə qədər qalardı.
37:144 -
فَنَبَذْنَاهُ بِالْعَرَاءِ وَهُوَ سَقِيمٌ
O, halsız olduğu vəziyyətdə (Biz) onu sahilə çıxartdıq.
37:145 -
وَأَنْبَتْنَا عَلَيْهِ شَجَرَةً مِنْ يَقْطِينٍ
Və üstünə (kölgə salmaq üçün) qabaq növündən iriyarpaqlı bir ağac bitirdik.
37:146 -
وَأَرْسَلْنَاهُ إِلَىٰ مِائَةِ أَلْفٍ أَوْ يَزِيدُونَ
Biz onu yüz min nəfərə və daha çox adama (peyğəmbər) göndərdik.
37:147 -
فَآمَنُوا فَمَتَّعْنَاهُمْ إِلَىٰ حِينٍ
Onlar ona iman gətirdilər, Biz də onlara müəyyən vaxtadək firavanlıq nəsib etdik.
37:148 -
فَاسْتَفْتِهِمْ أَلِرَبِّكَ الْبَنَاتُ وَلَهُمُ الْبَنُونَ
(Kafirlərdən) soruş: «Yoxsa, qızlar sənin Rəbbinin, oğlanlar isə onların olmalıdır?!»
37:149 -
أَمْ خَلَقْنَا الْمَلَائِكَةَ إِنَاثًا وَهُمْ شَاهِدُونَ
Yoxsa Biz mələkləri dişi yaratmışıq və onlar da (buna) şahid olublar?!
37:150 -
أَلَا إِنَّهُمْ مِنْ إِفْكِهِمْ لَيَقُولُونَ
Heç şübhəsiz ki, onlar öz yalanlarına görə belə deyəcəklər:
37:151 -
وَلَدَ اللَّهُ وَإِنَّهُمْ لَكَاذِبُونَ
«Allah doğmuşdur». Şübhəsiz ki, onlar yalançıdırlar.
37:152 -
أَصْطَفَى الْبَنَاتِ عَلَى الْبَنِينَ
Məgər (Allah) qızları oğlanlardan üstünmü tutmuşdur?!
37:153
Tərcümə: Əlixan Musayev